ຍີນ​ດີ​ຕ້ອນ​ຮັບ​ເຂົ້າ​ສູ່​ເວັບ​ໄຊ​ພະ​ແນກ ວິ​ທະ​ຍາ​ສາດ ແລະ ເຕັກ​ໂນ​ໂລ​ຊີ ແຂວງ ເຊກອງ

best free sex free porn videos

ລົງເຄື່ອນໄຫວຊຸກຍູ້ວຽກງານຈົດທະບຽນຖິ່ນ ກຳເນີດໂສມດາກຈຶງ

093ໃນວັນທີ 04 ກັນ​ຍາ 2017, ທ່ານ ສຸ​ລະ​ພົນ ໝື່ນ​ວິ​ເສດ ຫົວໜ້າພະແນກວິທະຍາສາດ ແລະ ເຕັກ ໂນໂລຊີແຂວງ ພ້ອມດ້ວຍພະນັກງານຈາກຂະ ແໜງຊັບສິນທາງປັນຍາ, ມາດຕະຖານ ແລະ ການວັດແທກໄດ້

ລົງເຄື່ອນໄຫວຕິດຕາມ, ຊຸກຍູ້ ແລະ ສົ່ງເສີມການສ້າງຕັ້ງສະມະຄົມກຸ່ມຜູ້ຜະລິດ, ກຸ່ມສາຫະກອນປູກໂສມ ດາກຈຶງ, ຢູ່ເມືອງດາກຈຶງ.

ໃນໂອກາດລົງເຄື່ອນໄຫວເຮັດວຽກຄັ້ງນີ້, ທ່ານຫົວໜ້າພະແນກວິທະຍາສາດ ແລະ ເຕັກໂນໂລຊີ ແຂວງ ພ້ອມຄະນະ ໄດ້ເຂົ້າພົບປະໂອລົມກັບທ່ານ ໜູເພັດ ຈັນທະມາດ ຮອງເລຂາພັກເມືອງ, ຮອງເຈົ້າເມືອງ -ເມືອງດາກຈຶງ ເພື່ອລາຍງານຈຸດປະສົ່ງໃນການລົງເຄື່ອນໄຫວເຮັດວຽກໃນຄັ້ງນີ້ ເຊິ່ງທ່ານ ຮອງເລຂາພັກເມືອງ, ຮອງເຈົ້າເມືອງ ກໍ່ໄດ້ລາຍງານກ່ຽວກັບສະພາບກຸ່ມສະຫະກອນປູກໂສມດາກຈຶງ ໃນໄລຍະຜ່ານມາ ແມ່ນຍັງມີ ລັກສະນະປະສົມປະສານ, ປູກແບບກະແຈກກະຈາຍ ແລະ ອາໄສທຳມະຊາດ ບໍ່ທັນໄດ້ນຳໃຊ້ວິທະຍາສາດ ເຕັກນິກເຂົ້າສູ່ການປູກ, ການບົວລະບັດຮັກສາ ແລະ ການເກັບກູ້ເທື່ອ ເຮັດໃຫ້ຜົນຜະລິດບໍ່ສູງ.

ໃນຕອນເຊົ້າຂອງວັນທີ 05 ກັນຍາ 2017, ທ່ານຫົວໜ້າພະແນກວິທະຍາສາດ ແລະ ເຕັກໂນໂລຊີແຂວງ ພ້ອມຄະນະກໍ່ໄດ້ເຂົ້າຮ່ວມກອງປະຊຸມ ວາງແຜນ ແລະ ປຶກສາຫາລືຮ່ວມກັບຄະນະພັກອຳນາດການປົກຄອງເມືອງ, ຂະແໜງການກ່ຽວຂ້ອງຂັ້ນເມືອງ ເປັນຕົ້ນ: ແມ່ນການສ້າງຕັ້ງຄະນະກຳມະການຂັ້ນ ເມືອງຮັບຜິດຊອບສ້າງຕັ້ງກຸ່ມການຜະລິດ ແລະ ກຸ່ມສະຫະກອນປູກໂສມດາກຈຶງ, ສ້າງລະບຽບ ແລະ ກົນໄກການຄຸ້ມຄອງສະມະຄົມກຸ່ມຜູ້ຜະລິດ ແລະ ກຸ່ມສະ ຫະກອນປູກໂສມດາກ​ຈຶງ ແລະ ວຽກງານອື່ນໆ ທັງນີ້ກໍ່ເພື່ອເຮັດໃຫ້ຂະແໜງການຕ່າງໆເຄື່ອນໄຫວຢ່າງເປັນລະບົບ ແລະ ມີຂໍ້ມູນປະກອບເຂົ້າໃນການສະເໜີ ຈົດທະບຽນປົກປ້ອງຖິ່ນກຳເນີດໂສມດາກຈຶງ ເຮັດໃຫ້ໂສມດາກຈຶງກາຍເປັນສິນຄ້າທີ່ມີຊື່ສຽງຢ່າງກວ້າງຂວາງ, ໃນກອງປະຊຸມດັ່ງກ່າວເປັນ​ປະ​ທານຮ່ວມໂດຍ ທ່ານ ວິໄລສັກ ບຸດດາກກັງ ຮອງເລຂາພັກເມືອງ, ຮອງເຈົ້າເມືອງດາກຈຶງ ແລະ ທ່ານ ສຸລະພົນ ໝື່ນວິເສດ ຫົວໜ້າພະແນກວິທະຍາສາດ ແລະ ເຕັກໂນໂລຊີແຂວງ ແລະ ມີບັນດາທ່ານຕາງໜ້າຈາກຂະແໜງການຕ່າງໆທີ່ກ່ຽວຂ້ອງອ້ອມຂ້າງເມືອງເຂົ້າຮ່ວມ ທັງໝົດ 15 ທ່ານ. ແລະ ໃນກອງປະຊຸມໄດ້ເຫັນດີມອບໃຫ້ຫ້ອງການ ວິທະຍາສາດ ແລະ ເຕັກໂນໂລຊີເມືອງ ເປັນໃຈກາງຮັບຜິດຊອບປະສານສົມທົບກັບຫ້ອງການທີ່ກ່ຽວຂ້ອງ, ໃນການຈັດຕັ້ງປະຕິບັດ, ຕາມພາລະບົດບາດຂອງແຕ່ ລະພາກສ່ວນໃຫ້ສຳເລັດ.

ບົດ​ຂ່າວ: ບຸດ​ດີ ພົມ​ພິ​ທັກ

ຮູບ​ພາບ: ມະ​ນີ​ໄຊ ເທບໄກສອນ

094 095 096

ສ້າງຂື້ນໃນ ປີ 2015. ສະຫງວນລິຂະສິດໂດຍ: ພະແນກວິທະຍາສາດ ແລະ ເຕັກໂລຊີແຂວງເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ:(+856)38211646, ແຟກ:(+856)38211646
Powered by Joomla 1.7 Templates