ຍີນ​ດີ​ຕ້ອນ​ຮັບ​ເຂົ້າ​ສູ່​ເວັບ​ໄຊ​ພະ​ແນກ ວິ​ທະ​ຍາ​ສາດ ແລະ ເຕັກ​ໂນ​ໂລ​ຊີ ແຂວງ ເຊກອງ

best free sex free porn videos

ຫົວໜ້າພະແນກວິທະຍາສາດ ແລະ ເຕັກໂນໂລ ຊີແຂວງ (ເຊກອງ) ເຄື່ອນໄຫວເຮັດວຽກຢູ່ ເມືອງ ທ່າແຕງ

b1ໃນວັນ ພະຫັດ ວັນທີ 25 ຕຸລາ 2018 ຜ່ານມາ ນີ້ ທ່ານ ສຸລະພົນ ໝື່ນວິເສດ ຫົວໜ້າ ພະແນກ ວິທະຍາສາດ ແລະ ເຕັກໂນໂລຊີ ແຂວງເຊກອງ ພ້ອມດ້ວຍຄະນະ ໄດ້ລົງເຄື່ອນໄຫວເຮັດວຽກຢູ່ ເມືອງ ທ່າແຕງ

       ຈຸດປະສົງ ຂອງການເຄື່ອນໄຫວເຮັດວຽກໃນຄັ້ງນີ້ ແມ່ນເພື່ອຕິດຕາມ ແລະ ຊຸກຍູ້ການເຄື່ອນໄຫວ ຈັດຕັ້ງປະຕິບັດວຽກງານວິທະຍາສາດ ແລະ ເຕັກໂນໂລຊີຂັ້ນເມືອງ ໃຫ້ໄດ້ຮັບການເຄື່ອນໄຫວຢ່າງກ້ວາງຂວາງ ແລະ ມີຄວາມເຂັ້ມແຂງຂຶ້ນກວ່າເກົ່າ ໃນດ້ານການຄຸ້ມຄອງວຽກງານວິທະຍາສາດເຕັກໂນໂລຊີ, ນະວັດຕະກຳເຕັກໂນໂລຊີຂໍ້ມູນຂ່າວສານຊັບສິນທາງປັນຍາມາດຕະຖານ ແລະ ການວັດແທກ ໃນຂອບເຂດຄວາມຮັບຜິດຊອບຂອງຫ້ອງການວິທະຍາສາດ ແລະ ເຕັກໂນໂລຊີເມືອງ ຕາມການແບ່ງຂັ້ນ ການຄຸ້ມຄອງ ລະຫວ່າງແຂວງ ແລະ ເມືອງ.

        ໂອກາດດັ່ງກ່າວ ທ່ານ ສຸລະພົນ ໝື່ນວິເສດ ຫົວໜ້າພະແນກວິທະຍາສາດ ແລະ ເຕັກໂນໂລຊີແຂວງ ພ້ອມຄະນະກໍ່ໄດ້ເຂົ້າພົບປະໂອ້ລົມ ແລະ ລາຍງານຈຸດປະສົງ, ເປົ້າໝາຍໃນການລົງເຄື່ອນໄຫວເຮັດວຽກຢູ່ເມືອງໃນຄັ້ງນີ້ ກັບ ທ່ານຮອງເຈົ້າເມືອງໆທ່າແຕງ ຜູ້ຊີ້ນໍາວຽກງານວິທະຍາສາດ ແລະ ເຕັກໂນໂລຊີຂັ້ນເມືອງ ເຊິ່ງໂອກາດນີ້ທ່ານຫົວໜ້າພະແນກໄດ້ຖືໂອກາດສະເໜີມາຍັງຄະນະພັກອຳນາດການປົກຄອງເມືອງ ຊ່ວຍກະຕຸກຊຸກຍູ້, ສ້າງເງື່ອນໄຂ ແລະ ອຳນວຍຄວາມສະ ດວກໃຫ້ແກ່ຫ້ອງການ ວຕ ເມືອງ ໃຫ້ເຂັ້ມແຂງ ທັງລະບົບການຈັດຕັ້ງ, ວັດຖຸອຸປະກອນ ແລະ ງົບປະມານ ເພື່ອຮັບປະກັນໃຫ້ແກ່ການຄຸ້ມຄອງ ແລະ ຈັດຕັ້ງປະຕິບັດວຽກງານວິທະຍາສາດ, ເຕັກໂນໂລຊີ, ນະວັດຕະກຳ, ເຕັກໂນໂລຊີຂໍ້ມູນຂ່າວສານ, ວຽກງານຊັບສິນທາງປັນຍາ, ມາດຕະຖານ ແລະ ການວັດແທກ ໄດ້ມີປະສິດທິພາບ ແລະ ປະສິດທິຜົນສູງຫລັງຈາກນັ້ນກໍ່ເຂົ້າຮ່ວມເຮັດວຽກກັບຫ້ອງການ ວິທະຍາສາດ ແລະ ເຕັກໂນໂລຊີເມືອງ ເພື່ອຮັບຟັງການລາຍງານ ສະພາບຂໍ້ສະດວກ, ຂໍ້ຫຍຸ້ງຍາກໃນເຄື່ອນໄຫວ​ຈັດ​ຕັ້ງ​ປະ​ຕິ​ບັດ​ວຽກ​ງານ​ການຄຸ້ມຄອງ ວິທະຍາສາດເຕັກໂນໂລຊີ, ນະວັດຕະກຳເຕັກໂນໂລຊີຂໍ້ມູນຂ່າວສານຊັບສິນທາງປັນຍາມາດຕະຖານ ແລະ ການວັດແທກຢູ່ເມືອງ ພ້ອມນັ້ນທ່ານກໍ່ໄດ້ ໂອ້ລົມ ແລະ ໃຫ້ທິດຊີ້ນຳຫ້ອງການ ວຕ ເມືອງ ໃຫ້ສືບຕໍ່ປະຕິບັດ ໜ້າທີ່ການເມືອງຂອງຕົນຕາມພາລະບົດບາດ, ສິດໜ້າທີ່ທີ່ໄດ້ຮັບມອບໝາຍ ແລະ ການແບ່ງ ຂັ້ນຄຸ້ມຄອງລະຫວ່າງແຂວງກັບເມືອງໃຫ້ກວ້າງຂວາງ, ສືບຕໍ່ສືກສາອົບຮົມການເມືອງນໍາພາແນວຄິດ ໃຫ້ພະນັກງານພາຍໃນຫ້ອງການໄດ້ເຊື່ອມຊືມເຂົ້າໃຈເລິກ ເຊິ່ງ, ເພີ່ມທະວີຄວາມສະຫມານສາມັກຄີພາຍໃນ, ປະຕິບັດຫລັກການ ລວມສູນປະຊາທິປະໄຕ, ເຮັດວຽກມີການແບ່ງງານ, ແບ່ງຄວາມຮັບຜິດຊອບ, ມີແຜນການ, ແຜນງານ ແລະ ໂຄງການລະອຽດໃນການເຄື່ອນໄຫວຈັດຕັ້ງ ປະຕິບັດວຽກງານວິຊາສະເພາະເປັນຕົ້ນ: ການຄຸ້ມຄອງພາຫະນະວັດແທກ ປະເພດຊິງຊັ່ງ, ຫົວຈ່າຍປ້ຳນ້ຳມັນອີ້ວ ໃຫ້ຮັບປະກັນທາງດ້ານມາດຕະຖານ ແລະ ຄຸນນະພາບ ສ້າງຄວາມເຊື່ອໝັ້ນໃຫ້ຜູ້ຊົມໃຊ້ ແລະ ຄວາມຍຸຕິທຳໃນສັງຄົມ, ຊຸກຍູ້-ສົ່ງເສີມໃຫ້ຫົວໜ່ວຍຜູ້ປະກອບການດໍາເນີນທຸລະກິດພາຍໃນເມືອງ ຫັນມາປົກປ້ອງຊັບສິນທາງປັນຍາຂອງຕົນ ໂດຍການຈົດທະບຽນເຄື່ອງໝາຍການຄ້າ. ພ້ອມນັ້ນທ່ານຍັງໄດ້ສະແດງຄວາມຍ້ອງຍໍ ຊົມເຊີຍຕໍ່ໝາກຜົນຜົນງານ ທີ່ພົ້ນເດັ່ນທີ່ເມືອງທ່າແຕງ ຍາດມາໄດ້ໄລຍະຜ່ານມາ ແລະ ທ່ານໄດ້ເນັ້ນເອົາໃຈໃສ່ຕືມ ໃນບາງບັນຫາຄື:

       ຕອນທ້າຍທ່ານຍັງໄດ້ມອບ ແຜ່ນພັບປົດສະເຕີ ຈໍານວນໜື່ງໃຫ້ຫ້ອງການວິທະຍາສາດ ແລະ ເຕັກໂນໂລຊີເມືອງ ເພື່ອສຶກສາຄົ້ນຄ້ວາ ແລະ ໄປນໍາໃຊ້ ເຂົ້າໃນໜ້າທີ່ວຽກງານຂອງຫ້ອງການ.

ບົດ​ຂ່າວ ແລະ ຮູບ​ພາບ: ຄ່ຽມ​ແກ້ວ ແກ້ວດວງ​ມະ​ນີ

b2DSC03541DSC03552DSC03561DSC03562DSC03567

ສ້າງຂື້ນໃນ ປີ 2015. ສະຫງວນລິຂະສິດໂດຍ: ພະແນກວິທະຍາສາດ ແລະ ເຕັກໂລຊີແຂວງເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ:(+856)38211646, ແຟກ:(+856)38211646
Powered by Joomla 1.7 Templates