ຍີນ​ດີ​ຕ້ອນ​ຮັບ​ເຂົ້າ​ສູ່​ເວັບ​ໄຊ​ພະ​ແນກ ວິ​ທະ​ຍາ​ສາດ ແລະ ເຕັກ​ໂນ​ໂລ​ຊີ ແຂວງ ເຊກອງ

best free sex free porn videos

ຫົວໜ້າພະນແນກເຂົ້າຮ່ວມກອງປະຊຸມສະຫຼຸບ ປະຈຳປີ ບັນດາຂະແໜງການໃນຂົງເຂດເສດ ຖະກິດ ການຜະລິດ ຂອງເມືອງດາກຈຶງ

0170ວັນທີ 14 ພືດສະພາ 2019 ທີ່ຜ່ານມາ ທ່ານ ສຸລະພົນ ຫມື່ນວິເສດ ຫົວໜ້າ ພະແນກ ວິທະຍາ ສາດ ແລະ ເຕັກໂນໂລຊີແຂວງ ໄດ້ເຂົ້າຮ່ວມກອງ ປະຊຸມສະຫລຸບຕີລາຄາ ການຈັດຕັ້ງປະຕິບັດຂົງ ເຂດວຽກງານ

ເສດຖະກິດ ການຜະລິດຂັ້ນເມືອງ ປະຈໍາປີ 2018 ແລະ ກຳນົດທິດທາງແຜນການປະຈໍາປີ 2019 ທີ່ສະໂມສອນເມືອງດາກຈຶງ, ແຂວງເຊກອງ ພາຍໃຕ້ການເປັນປະທານ ຂອງທ່ານ ວິໄລສັກ ບຸດດາກກັງ ຄະນະປະຈໍາພັກເມືອງ, ຮອງເຈົ້າ ເມືອງໆດາກຈຶງ ມີທ່ານໃນຄະນະພັກ, ຄະນະນຳຂອງເມືອງ, ການນຳຈາກບັນດາພະແນກການທີ່ກ່ຽວຂ້ອງຂອງແຂວງ, ຂະແໜງການຕ່າງໆອ້ອມຂ້າງເມືອງ ຕະຫຼອດຮອດ ພະນັກງານລັດຖະກອນຈາກຂະແໜງການທີ່ກ່ຽວຂ້ອງຂອງເມືອງ ແລະ ບ້ານອ້ອມຂ້າງເທດສະບານ 18 ໝູ່ບ້ານ ເຂົ້າຮ່ວມ.

ຈຸດປະສົງ ເພື່ອເຂົ້າຮ່ວມຮັບຟັງການສະຫລຸບຕີລາຄາການຈັດຕັ້ງປະຕິບັດວຽກງານໄລຍະ 1 ປີ ສົກປີ 2018 ແລະ ກໍຳນົດທິດທາງແຜນການປະຈໍາປີ 2019 ຂອງ 4 ຂະແໜງການໃນຂົງເຂດເສດຖະກິດ ການຜະລິດຂັ້ນເມືອງ ເຊິ່ງປະກອບມີ ຫ້ອງການກະສິກໍາ ແລະ ປ່າໄມ້ເມືອງ, ຫ້ອງການວິທະຍາສາດ ແລະ ເຕັກໂນໂລຊີເມືອງ, ຫ້ອງການຊັບພະຍາກອນທໍາມະຊາດ ແລະ ສິ່ງແວດລ້ອມເມືອງ ແລະ ຫ້ອງການພະລັງງານ ແລະ ບໍ່ແຮ່ເມືອງ ໂດຍສະເພາະ ແມ່ນຮັບຟັງການສະຫຼຸບຕີລາຄາການເຄື່ອນໄຫວວຽກງານວິທະຍາສາດ ແລະ ເຕັກໂນໂລຊີໃນທົ່ວເມືອງໃນໄລຍະ 1 ປີຜ່ານມາ ແລະ ການກຳນົດທິດທາງ ແຜນການປະຈຳປີ 2019 ໃຫ້ກຽດຜ່ານບົດລາຍງານຂອງທ່ານ ນິມ ໄຊຍະວົງ ຫົວໜ້າຫ້ອງການວິທະຍາສາດ ແລະ ເຕັກໂນໂລຊີເມືອງ ເຊິ່ງທ່ານໄດ້ຍົກ ຫຼາຍບັນຫາທີ່ມີຄວາມສະດວກ, ຄວາມຫຍຸ້ງຍາກ ພ້ອມທັງມີທິດທາງແກ້ໄຂໃນຕໍ່ໜ້າ ແລະ ໃນນີ້ທ່ານໄດ້ຍົກໃຫ້ສະພາບທີ່ພົ້ນເດັ່ນ ໃນການເຄື່ອນໄຫວວຽກງານ ໃນໄລຍະຜ່ານມາ ຄືການຄຸ້ມຄອງອຸປະກອນວັດແທກປະເພດຊິງຊັ່ງ, ຫົວຈ່າຍປ້ຳນ້ຳມັນເຊື້ອໄຟ, ໝໍ້ນັບໄຟຟ້າ ແລະ ໝໍ້ແທກນ້ຳປະປາ ໃນທົ່ວເມືອງ ແມ່ນຮັບປະກັນໄດ້ດ້ານມາດຕະຖານ, ສອດຄ່ອງກັບລະບຽບກົດໝາຍ ເຮັດໃຫ້ສັງຄົມມີຄວາມສະຫງົບ ແລະ ຍຸຕິທຳ.

  ໃນໂອກາດດັ່ງກ່າວ ທ່ານຫົວໜ້າພະແນກວິທະຍາສາດ ແລະ ເຕັກໂນໂລຊີແຂວງ ໄດ້ໃຫ້ກຽດໂອ້ລົມ ແລະ ໃຫ້ທິດຊີ້ນຳຕໍ່ກອງປະຊຸມດັ່ງກ່າວ ໂດຍສະະເພາະແມ່ນບັນດາຂະແໜງການຕ່າງໆອ້ອມຂ້າງເມືອງ ແລະ ບ້ານທີ່ເຂົ້າຮ່ວມ ຫັນມານໍາໃຊ້ຜົນສໍາເລັດທາງດ້ານວິທະຍາດເຕັກນິກ ແລະ ນໍາເອົາເຕັກນິກເຕັກໂນໂລຊີໃໝ່ໆເຂົ້າມາຊ່ວຍໃນການຜະລິດ ເພື່ອຍົກສູງສະມັດຕະພາບການຜະລິດໃຫ້ກາຍເປັນສິນຄ້າ ເຊັ່ນ: ການລ້ຽງສັດ, ການປູກກາເຟ, ປູກຊາ, ໂສມ, ກະລໍ່າປີ ແລະ ອື່ນໆກໍ່ຕ້ອງມີການດູແລຮັກສາ ເສີມສ້າງທຸກສິ່ງທີ່ເປັນເງືອນໄຂ ແລະ ທ່າແຮງ ຈິ່ງຈະເຮັດໃຫ້ເສດຖະກິດຂອງເມືອງ ມີການຂະຫຍາຍຕົວໄວ, ເຫລືອກິນ, ເຫລືອໃຊ້ພາຍໃນ ກາຍເປັນສິນຄ້າສົ່ງອອກທັງພາຍໃນ ແລະ ຕ່າງປະເທດ ເພາະວ່າເມືອງດາກຈຶງ ເປັນເມືອງທີ່ອຸດົມ ສົມບູນໄປດ້ວຍຊັບພະຍາກອນທຳມະຊາດ ມີຊັບພະຍາກອນດິນທີ່ສາມາດປູກພືດອຸດສະຫາກໍາ ໄດ້ຫລາກຫລາຍປະເພດ ແລະ ຍັງເປັນຊາຍແດນຕິດຈອດ ກັບປະເທດ ເພື່ອນມິດທີ່ຈະເຮັດໃຫ້ແຂກຕ່າງດ້າວຊາວຕ່າງເມືອງໄປຫາມາແວ່ ແລະ ໃນອະນາຄົດອັນໃກ້ນີ້ເມືອງຂອງພວກເຮົາກໍ່ຈະກາຍເປັນປະຕູເຂົ້າ-ອອກ ສູ່ຕ່າງປະເທດ ເປີດເປັນດ່ານສາກົນ ສະນັ້ນຈະເຮັດໃຫ້ຄວາມຮຽກຮ້ອງຕ້ອງການຜະລິດຕະພັນກະສິກຳເພີ່ມສູງຂຶ້ນ, ຈະເຮັດໃຫ້ເສດຖະກິດຂະຫຍາຍຕົວ, ນອກນັ້ນທ່ານຍັງໄດ້ຊຸກຍູ້ໃຫ້ການນໍາຂອງເມືອງ, ຜູ້ປະກອບການດໍາເນີນທຸລະກິດ ພໍ່ແມ່ປະຊາຊົນກຸ່ມບ້ານ ຈັດຕັ້ງກຸ່ມການຜະລິດຂອງເມືອງ ແລະ ບ້ານ ເພື່ອສ້າງເປັນສິນຄ້າໂອດ໋ອບ (OTOP) ຂອງພູມປັນຍາຊາວບ້ານ ແລະ ຍັງຊຸກຍູ້ໃຫ້ຫັນມາປົກປ້ອງຊັບສິນທາງປັນຍາຂອງຕົນ ໂດຍການຈົດທະບຽນ ເຄື່ອງໝາຍການຄ້າ, ຈົດທະບຽນຖິ່ນກຳເນີດ, ຊົມໃຊ້ຜະລິດຕະພັນ ສິນຄ້າທີ່ມີການກວດສອບຢັ້ງຢືນມາດຕະຖານ, ເຜີຍແຜ່ຂໍ້ມູນຂ່າວສານຂອງເມືອງ, ບ້ານ ຜ່ານເວັບໄຊ ເພື່ອໃຫ້ສາມາດເຂົ້າເຖິງ, ຊອກຄົ້ນຂໍ້ມູນໄດ້ງ່າຍ ສະດວກວ່ອງໄວ ອີກດ້ວຍ.

ໃນວາລະສຸດທ້າຍ, ກອງປະຊຸມໄດ້ຮັບຟັງການໂອ້ລົມ ແລະ ໃຫ້ທິດຊີ້ນໍາຂອງທ່ານ ວິໄລສັກ ບຸດດາກກັງ ຄະນະປະຈໍາພັກເມືອງ, ຮອງເຈົ້າເມືອງໆດາກຈຶງ ແຂວງເຊກອງ, ຜູ້ຊີ້ນໍາວຽກງານເສດຖະກິດ ການຜະລິດຂັ້ນເມືອງເຊິ່ງມີບາງເນື້ອໃນຈິດໃຈທີ່ໄດ້ຊີ້ນຳຕໍ່ວຽກງານວິທະຍາສາດ ແລະ ເຕັກໂນໂລຊີຂັ້ນເມືອງ ທີ່ຕ້ອງໄດ້ສືບຈັດຕັ້ງປະຕິບັດໃນຕໍ່ໜ້າ ຄືໃຫ້ເອົາໃຈໃສ່ໃນການຄຸ້ມຄອງ, ບໍລິການຕິດຕາມກວດກາວຽກງານຊັບສິນທາງປັນຍາ ມາດຕະຖານ ແລະ ວັດແທກໃຫ້ມີຄວາມເຂັ້ມແຂງ ເພື່ອຮັບປະກັນໃຫ້ປະຊາຊົນບັນດາເຜົ່າພາຍໃນເມືອງໄດ້ຊົມໃຊ້ການບໍລິການ ແລະ ສິນຄ້າທີ່ໄດ້ມາດຕະຖານຄຸນນະພາບ ແຫ່ງຊາດ.ຫັນການນໍາໃຊ້ວິທະຍາສາດ ແລະ ເຕັກໂນໂລຊີເຂົ້າໃນການພັດທະນາເສດຖະກິດ-ສັງຄົມຂອງເມືອງໃຫ້ສູງຂຶ້ນ, ຄຸ້ມຄອງການເຄື່ອນໄຫວວຽກງານ ວິທະຍາສາດແລະ ເຕັກໂນໂລຊີ, ຊັບສິນທາງປັນຍາ ມາດຕະຖານ ແລະ ການວັດແທກໃນທົ່ວເມືອງໃຫ້ປະຕິບັດຕາມລະບຽບກົດໝາຍທີ່ວາງອອກຢ່າງເຂັ້ມງວດ.

                                                                                      ບົດຂ່າວ ແລະ ຮູບພາບໂດຍ

                                                                                      ຄຽມແກ້ວ ແກ້ວດວງມະນີ

0171 0172 0173

ສ້າງຂື້ນໃນ ປີ 2015. ສະຫງວນລິຂະສິດໂດຍ: ພະແນກວິທະຍາສາດ ແລະ ເຕັກໂລຊີແຂວງເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ:(+856)38211646, ແຟກ:(+856)38211646
Powered by Joomla 1.7 Templates