ຍີນ​ດີ​ຕ້ອນ​ຮັບ​ເຂົ້າ​ສູ່​ເວັບ​ໄຊ​ພະ​ແນກ ວິ​ທະ​ຍາ​ສາດ ແລະ ເຕັກ​ໂນ​ໂລ​ຊີ ແຂວງ ເຊກອງ

ພະແນກ ວຕ ແຂວງ ເຊກອງ ລົງຊຸກຍູ້ວຽກ ງານວິທະຍາສາດ ແລະ ເຕັກໂນໂລຊີ ເມືອງກະລືມ

1256ຕອນເຊົ້າວັນທີ 17 ທັນ​ວາ 2019 ຜ່ານມານີ້, ຢູ່ທີ່ສະໂມສອນຂອງ ເມືອງກະ​ລືມ, ພະແນກວິທະ ຍາສາດ ແລະ ເຕັກໂນໂລຊີ ແຂວງ ເຊກອງ ຮ່ວມ​ກັບ​ຫ້ອງ​ການ​ວິ​ທະ​ຍາ​ສາດ​ສາດ ແລະ ເຕັກ​ໂນ​ໂລ​ຊີ​ ເມືອງກະ​ລືມ

ໄດ້ຈັດກອງປະຊຸມເຜີຍແຜ່ກົດໝາຍກ່ຽວກັບວຽກງານວິທະຍາສາດ ແລະ ເຕັກໂນໂລຊີ ໂດຍ​ການ​ໃຫ້ກຽດເປັນ ປະທານຮ່ວມຂອງ ທ່ານ ສຸລະພົນ ໝືນວິເສດ ຫົວໜ້າພະແນກ ວິທະຍາສາດ ແລະ ເຕັກໂນໂລຊີ ແຂວງເຊກອງ ແລະ ທ່ານ ອໍບົວລາ ອ່ອນມະໄລວົງ ວ່າການເຈົ້າເມືອງ-ເມືອງກະລຶມ ​ແລະ ມີຫົວ​ໜ້າ​ຫ້ອງ​ການ, ຮອງ​ຫົວ​ໜ້າ​ຫ້ອງ​ການ, ວິ​ຊາ​ການ  ພາຍ​ໃນຫ້ອງ​ການ ວ​ຕ ເມືອງ, ຫ້ອງການອ້ອມ​ຂ້າງ​ເມືອງ ແລະ ແຂກຖືກເຊີນເຂົ້າຮ່ວມທັງ​ໝົດ 40 ທ່ານ ຍິງ 7 ທ່ານ.

         

        ຈຸດປະສົງ ຂອງການເຄື່ອນໄຫວເຮັດວຽກໃນຄັ້ງນີ້ ແມ່ນເພື່ອຊຸກຍູ້ການເຄື່ອນໄຫວ ຈັດຕັ້ງປະຕິບັດວຽກງານ ວິທະຍາສາດ ແລະ ເຕັກໂນໂລຊີ ຂັ້ນເມືອງ ໃຫ້ໄດ້ຮັບການເຄື່ອນໄຫວຢ່າງກ້ວາງຂວາງ ແລະ ມີຄວາມເຂັ້ມແຂງຂື້ນກວ່າເກົ່າ ​ເຮັດໃຫ້​ຜູ້​ເຂົ້າ​ຮ່ວມ​ແມ່ນ​ໄດ້​ຮັບ​ຟັງ​ການ​ເຜີຍແຜ່ກົດໝາຍ ແລະ ນິຕິກຳ ກ່ຽວກັບວຽກງານ ວິທະຍາສາດ ແລະ ເຕັກໂນໂລຊີ ທີ່ຕິດພັນກັບການຊຸກຍູ້​ການ​ຜະ​ລິດ ແລະ ການ​ນຳ​ໃຊ້ ເຊິ່ງ​ກົດ​ໝາຍ​ທີ່​ໄດ້​ນຳ​ໄປ​ເຜີຍ​ແຜ່​ໃນ​ຄັ້ງ​ນີ້​ປະ​ກອບ​ມີ: ກົດໝາຍວິທະຍາສາດ ແລະ ເຕັກໂນໂລຊີ, ກົດໝາຍວ່າ ດ້ວຍຊັບສິນທາງປັນຍາ, ກົດໝາຍມາດຕະຖານ ແລະ ກົດໝາຍການວັດແທກ ເພື່ອໃຫ້ຫ້ອງ​ການ, ຫົວ​ໜ່ວຍ​ຖຸ​ລະ​ກິດ ແລະ ປະ​ຊາຊົນ​ພາຍ​ໃນ​ເມືອງຮັບຮູ້ ແລະ ເຂົ້າໃຈເຖິງໜ້າທີ່, ພາລະບາດບາດ ຂອງພະແນກວິທະຍາສາດ ແລະ ເຕັກໂນໂລຊີ ແລະ ຫ້ອງການວິທະຍາສາດ ແລະ ເຕັກໂນໂລຊີເມືອງ ເພາະວຽກງານຂອງວິທະຍາສາດ ແລະ ເຕັກໂນໂລຊີ ແມ່ນ​ວຽກ​ງານ​ໜື່ງ​ທີ່ປິ່ນອ້ອມກັບ​ວຽກ​ງານທຸກຂະແໜງການເປັນຕົ້ນຫລັກໆແມ່ນ ອຸດສາຫະກຳ ແລະ ການຄ້າ, ກະສິກຳ-ປ່າໄມ້, ສາທາລະນະສຸກ, ບັນດາຜູ້ປະກອບການ ແລະ ເຈົ້າຂອງຫົວໜ່ວຍທຸລະກິດເປັນຕົ້ນ ເພື່ອໃຫ້ການພົວພັນ ຮ່ວມມືປະສານສົມທົບ ຈັດຕັ້ງປະຕິບັດວຽກງານຕາມຂໍ້ກຳນົດ, ລະບຽບກົດໝາຍໃຫ້ຖືກຕ້ອງ ມີຄວາມເປັນເອກະພາບ ບົນພື້ນຖານຄວາມຖືກຕ້ອງຕາມລະບຽບ, ຫລັກການ ແລະ ມາດຕະຖານ ຂອງພາກພື້້ນ ແລະ ສາກົນ ແນ່ໃສ່ຊຸກຍູ້ສົ່ງເສີມການບໍລິການທີ່ມີຄຸນນະພາບ, ແທດເໝາະກັບສະພາບຄວາມເປັນຈິງ ບໍ່ໃຫ້ມີການເອົາປຽບ ລະຫວ່າງຜູ້ໃຫ້ບໍລິການ ແລະ ຜູ້ໃຊ້ບໍລິການ ເຮັດ​ໃຫ້​ສັງ​ຄົມມີຄວາມຍຸຕິທຳ.

         ໂອກາດດຽວກັນນີ້ທ່ານ ນາງ ອິນ​ຄຳ ໄຊ​ຍະ​ນາມ ຫົວ​ໜ້າຫ້ອງ​ການ​ວິ​ທະ​ຍາ​ສາດ ​ແລະ ເຕັກ​ໂນ​ໂລ​ຊີ ເມືອງ ໄດ້​ຂື້ນລາຍງານການຈັດຕັ້ງປະຕິບັດວຽກ ວິທະຍາສາດ ແລະ ເຕັກໂນໂລຊີ ໃນ​ໄລ​ຍະ 1 ປີ ຜ່ານ​ມາ ແລະ ການວາງທິດທາງແຜນການ-ການນຳພາເຄື່ອນໄຫວຽກງານການຄຸ້ມຄອງ,ຕິດຕາມກວດກາດ້ານວິທະຍາສາດ,ເຕັກໂນໂລຊີນະວັດຕະກຳ, ເຕັກໂນໂລຊີຂໍ້ມູນຂ່າວສານ, ຊັບສິນທາງປັນຍາ, ມາດຕະຖານ ແລະ ການວັດແທກຢູ່ເມືອງ ຕໍ່​ກອງ​ປະ​ຊຸມ​ໃຫ້​ຮັບ​ຊາບ.    

         ໃນ​ຕອນ​ທ້າຍ ທ່ານ ສຸລະພົນ ໝື່ນວິເສດ ຫົວໜ້າພະແນກວິທະຍາສາດ ແລະ ເຕັກໂນໂລຊີ ແຂວງ ເຊກອງ ໄດ້ໂອ​ລົມ ແລະ ຍົກໃຫ້ເຫັນປະຫວັດ ຄວາມເປັນມາ ແລະ ຄວາມໝາຍຄວາມສຳຄັນຂອງວຽກງານວິທະຍາສາດ ແລະ ເຕັກໂນໂລຊີ ທີ່ເປັນປັດໄຈສຳຄັນ ເພື່ອຂັບເຄື່ອນການພັດທະນາເສດຖະກິດ-ສັງຄົມ ແລະ ການຫັນເປັນ ອຸດສາຫະກຳ ແລະ ທັນສະໄໝ ທີ່ຕິດພັນໂດຍກົງກັບການດຳລົງຊີວິດຕົວຈິງໃນທົ່ວສັງຄົມ ແນໃສ່ເຮັດໃຫ້ບັນດານິຕິກຳ ຖືກນໍາໄປຈັດຕັ້ງ ປະຕິບັດໃນຕໍ່ໜ້າຢ່າງເຂັ້ມງວດ,ໃຫ້ທຸກຄົນມີສະຕິເປັນເຈົ້າການປົກປ້ອງຮ່ວມມືກັນ ເພື່ອຜົນປະໂຫຍດຂອງຫົວໜ່ວຍທຸລະກິດ ແລະ ຜູ້ບໍລິໂພກ, ນອກນັ້ນ, ທ່ານຍັງໄດ້ລົງຊຸກຍູ້ຕິດຕາມວຽກງານວິຊາສະເພາະ ລົງກວດກາບໍລິມາດ ຕາມ​ໂຮງ​ງານນ້ຳ​ດືມບໍລິສຸດ​ ຈໍານວນ 3 ແຫ່ງ ແລະ ກວດກາບໍລິມາດຫົວຈ່າຍປໍ້າ​ນໍ້າ​ມັນເຊື້ອໄຟ 1 ແຫ່ງ ພ້ອມທັງແນະນຳບັນດາຜູ້ປະກອບ ແລະ ຫົວໜ່ວຍທຸລະກິດ ຂອບເຂດພາຍໃນເມືອງ ມີຄວາມເປັນແບບຢ່າງ ບົນພື້ນຖານ ຄວາມຖືກຕ້ອງຕາມ ລະບຽບ, ຫລັກການ ແລະ ມາດຕະຖານ ຂອງພາກພື້້ນ ແລະ ສາກົນ ແນ່ໃສ່ ຊຸກຍູ້ສົ່ງເສີມການບໍລິການ ທີ່ມີຄຸນນະພາບ, ແທດເໝາະກັບສະພາບຄວາມເປັນຈິງ ລະຫວ່າງຜູ້ໃຫ້ບໍລິການ ແລະ ຜູ້ຊົມໃຊ້ໃຫ້ມີຄວາມໂປ່ງໃສ ແລະ ຍຸຕິທຳ.

ບົດ​ຂ່າວ ແລະ ຮູບ​ພາບ: ບຸດ​ດີ ພົມ​ພິ​ທັກ

1257 1258 1259 1260 1261 1262 1263 1264 1265 1266 1267 1268

ສ້າງຂື້ນໃນ ປີ 2015. ສະຫງວນລິຂະສິດໂດຍ: ພະແນກວິທະຍາສາດ ແລະ ເຕັກໂລຊີແຂວງເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ:(+856)38211646, ແຟກ:(+856)38211646
Powered by Joomla 1.7 Templates