ຍີນ​ດີ​ຕ້ອນ​ຮັບ​ເຂົ້າ​ສູ່​ເວັບ​ໄຊ​ພະ​ແນກ ວິ​ທະ​ຍາ​ສາດ ແລະ ເຕັກ​ໂນ​ໂລ​ຊີ ແຂວງ ເຊກອງ

best free sex free porn videos

ກອງປະຊຸມສໍາມະນາກ່ຽວກັບການຈົດທະບຽນ ແລະ ການປົກປ້ອງຊັບສີນທາງປັນຍາຢູ່ ສປປ ລາວ

31    ໃນຕອນເຊົ້າຂອງວັນທີ 10 ພຶສາພາ 2016 ນີ້ ຢູ່ທີ່ຫ້ອງປະຊຸມຊັ້ນ 3 ຂອງຫ້ອງວ່າ ການປົກຄອງ ແຂວງເຊ

ກອງໄດ້ມີກອງປະຊຸມສຳມະນາກ່ຽວກັບການຈົດທະບຽນ ແລະ ການປົກປ້ອງຊັບສິນທາງປັນຍາຢູ່ ສປປ ລາວ, ຈັດຂື້ນໂດຍ ກົມຊັບສິນທາງປັນຍາ, ກະຊວງວິທະຍາສາດ ແລະ ເຕັກໂນໂລຊີ ຮ່ວມກັບພະ ແນກວິທະຍາສາດ ແລະ ເຕັກໂນໂລຊີ ແຂວງເຊກອງ ໂດຍໃຫ້ກຽດເປັນປະທານຮ່ວມຂອງທ່ານ ປອ ຄໍາເພັດ ວົງດາລາ ຮອງຫົວໜ້າກົມຊັບສີນທາງປັນຍາ, ກະຊວງວິທະຍາສາດ ແລະ ເຕັກໂນໂລຊີ (ກວຕ) ແລະ ທ່ານ ສຸລະພົນ ໜື່ນວິເສດ ຫົວໜ້າພະແນກວິທະຍາສາດ ແລະ ເຕັກໂນໂລຊີແຂວງເຊກອງ.

   ໃນໂອກາດນີ້ທ່ານ ປອ. ຄຳເພັດ ວົງດາລາ, ຮອງຫົວໜ້າກົມຊັບສິນທາງປັນຍາ, ກວຕ, ໄດ້ໃຫ້ກຽດ ກ່າວເປີດກອງປະຊຸມ ຊຶ່ງມີເນື້ອໃນບາງຕອນວ່າ: ການແຈ້ງ ຫລື ການຈົດທະບຽນຊັບສິນທາງປັນຍາ ໄດ້ມີການລິເລີ່ມຈັດຕັ້ງປະຕິບັດຢູ່ສປປລາວມາຕັ້ງແຕ່ຊຸມປີ 1990 ແລະ ໄດ້ມີການພັດທະນາຢ່າງ ຕໍ່ເນື່ອງ ມາຮອດປະ ຈຸບັນເປັນຕົ້ນແມ່ນໄດ້ມີສ້າງນິຕິກໍາ ອັນເປັນພື້ນຖານໃຫ້ແກ່ການ ຈັດຕັ້ງປະຕິບັດວຽກງານ ຊັບສິນທາງປັນຍາເຊັ່ນ: ກົດໝາຍວ່າດ້ວຍຊັບ ສິນທາງປັນຍາ ສະບັບ ທໍາອິດ ໄດ້ປະກາດໃຊ້ໃນປີ 1997 ແລະ ໄດ້ມີການປັບປຸງໃນປີ 2011. ບົນພື້ນຖານ ກົດໝາຍດັ່ງກ່າວກົມຊັບສິນທາງປັນຍາ ກໍ່ໄດ້ສ້າງນິຕິກໍາລຸ່ມກົດໝາຍ ຂຶ້ນຫຼາຍສະບັບເພື່ອເປັນການຜັນຂະຫຍາຍ ແລະ ຈັດຕັ້ງປະຕິບັດກົດໝາຍວ່າດ້ວຍຊັບ ສິນທາງປັນຍາດັ່ງກ່າວເປັນຕົ້ນ ແມ່ນຂໍ້ຕົກລົງຂອງລັດຖະມົນຕີກະຊວງວິທະຍາສາດວ່າດ້ວຍການຈັດຕັ້ງປະຕິບັດກົດໝາຍວ່າດ້ວຍຊັບສິນທາງປັນຍາກ່ຽວກັບສິດທິບັດແລະອານຸສິດທິບັດ, ແບບອຸດສາຫະກໍາ, ເຄື່ອງ ໝາຍການຄ້າແລະຊື່ການຄ້າ, ລິຂະສິດແລະສິດກ່ຽວຂ້ອງກັບລິຂະສິດ, ຖິ່ນກໍາເນີດແລະແບບຜັງວົງຈອນ ລວມເຊິ່ງປະຈຸບັນນີ້ ໄດ້ຈົດທະບຽນເຄື່ອງໝາຍການຄ້າ 38,000 ກວ່າເຄື່ອງໝາຍ, ຮັບຄຳຮ້ອງຂໍສິດທິບັດ 400 ກວ່າສະບັບ, ຮັບຄຳຮ້ອງຂໍຈົດທະບຽນແບບອຸດສາຫະກຳ 400 ກວ່າສະບັບ, ໄດ້ຮັບແຈ້ງຂໍ້ມູນລິຂະສິດ 448 ລາຍການແລະດຳເນີນວຽກງານແກ້ໄຂຂໍ້ຂັດແຍ່ງທາງດ້ານຊັບສິນທາງປັນຍາ 92 ກໍລະນີ, ຊື່ງທັງໝົດນີ້ ເປັນການ ປົກປ້ອງສິດຊັບສິນທາງປັນຍາແລະສ້າງຄວາມຍຸຕິທຳໃນສັງຄົມ, ປະກອບສ່ວນເຂົ້າໃນການພັດທະນາເສດຖະກິດ, ວັດທະນະທຳ ແລະ ສັງຄົມແບບຍືນຍົງ ຂອງປະເທດເຮົາ.

   ນອກນີ້ທ່ານຍັງໃຫ້ຮູ້ອີກວ່າສຳລັບ ກະຊວງວິທະຍາສາດ ແລະ ເຕັກໂນໂລຊີ ກໍຄື ລັດຖະບານແຫ່ງ ສປປ ລາວໄດ້ຖືເປັນນະໂຍບາຍສຳຄັນ ຕໍ່ກັບວຽກງານ ການການຈົດທະບຽນ ແລະ ການປົກປ້ອງຊັບສິນທາງປັນຍາ, ຮຽກຮ້ອງມາຍັງບັນດາທ່ານທີ່ເຂົ້າຮ່ວມ ໃນກອງປະຊຸມຄັ້ງນີ້ ຈົ່ງພ້ອມໃຈກັນເກັບກ່ຽວ ເອົາຄວາມຮູ້, ປະສົບການກ່ຽວກັບວຽກງານຊັບສິນທາງປັນຍາຈາກກອງປະ ຊຸມຄັ້ງນີ້ເພື່ອນໍາໄປໝູນໃຊ້ເຂົ້າ ໃນການດໍາເນີນວຽກງານ ກໍ່ຄືການດໍາເນີນກິດຈະ ການໃຫ້ໄດ້ຮັບຜົນດີເພື່ອປະກອບສ່ວນເຂົ້າໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5 ປີຄັ້ງທີ VIII ຂອງຊາດ.

  ໃນກອງປະຊຸມສຳມະນາໃນຄັ້ງນີ້ບັນດານັກສຳມະນາກອນ ໄດ້ຮັບຟັງການບັນລະຍາຍໃນຫຼາຍຫົວຂໍ້ ເປັນຕົ້ນແມ່ນ ບັນດານິຕິກຳ ທີ່ຕິດພັນກັບວຽກງານ ຊັບສິນທາງປັນຍາ, ການຈົດທະບຽນ ແລະ ການປົກປ້ອງເຄື່ອງໝາຍການຄ້າ, ການແຈ້ງຂໍ້ມູນ ແລະ ການປົກປ້ອງລິຂະສິດ, ການຍື່ນຄຳຮ້ອງຂໍປົກປ້ອງຊັບສິນ ທາງປັນຍາ, ຖິ່ນກຳເນີດ ແລະ ການຈົດທະບຽນກຳເນີດ (ໂດຍສະເພາະແມ່ນການກະກຽມຈົດທະບຽນຖິ່ນກຳເນີດໂສມດາກຈຶງ), ການແກ້ໄຂຂໍ້ຂັດແຍ່ງ ທາງດ້ານຊັບສິນທາງປັນຍາ ແລະຫົວຂໍ້ອື່ນໆ ທີ່ສຳຄັນຈາກນັກວິທະຍາກອນທີ່ມີປະສົບການຈາກກົມຊັບສິນທາງປັນຍາ.

   ກອງປະຊຸມສຳມະນາໃນຄັ້ງນີ້ມີຜູ້ເຂົ້າຮ່ວມຈາກພາກລັດ, ພາກເອກະຊົນແລະ ພາກທຸລະກິດທັງໝົດ 24 ຄົນ 7 ຄົນ ຊຶ່ງກອງປະຊຸມ ດັ່ງກ່າວຈະໄດ້ດຳເນີນ ເປັນເວລາ 2 ວັນ ຈຶ່ງຈະປິດລົງ

ບົດຂ່າວ ແລະ ຮູບພາບ: ລັດສະໝີ ກົມມະສິດ

32 33 34 

ບົດຂ່າວ ແລະ ຮູບພາບ: ລັດສະໝີ ກົມມະສິດ

ສ້າງຂື້ນໃນ ປີ 2015. ສະຫງວນລິຂະສິດໂດຍ: ພະແນກວິທະຍາສາດ ແລະ ເຕັກໂລຊີແຂວງເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ:(+856)38211646, ແຟກ:(+856)38211646
Powered by Joomla 1.7 Templates