ຍີນ​ດີ​ຕ້ອນ​ຮັບ​ເຂົ້າ​ສູ່​ເວັບ​ໄຊ​ພະ​ແນກ ວິ​ທະ​ຍາ​ສາດ ແລະ ເຕັກ​ໂນ​ໂລ​ຊີ ແຂວງ ເຊກອງ

best free sex free porn videos

ທ່ານ ລັດຖະມົນຕີ ກວຕ ລົງເຄື່ອນໄຫວຢ້ຽມ ຢາມ ແລະ ຊຸກຍູ້ວຽກງານຢູ່ ພວຕ ແຂວງ ເຊກອງ

00046ໃນຕອນແລງຂອງວັນທີ 31 ຕຸລາ 2016, ພະແນກ ວິທະຍາສາດ ແລະ ເຕັກໂນໂລຊີ ແຂວງເຊກອງ ນໍາໂດຍ ທ່ານ ສຸລະພົນ ໝື່ນວິເສດ ຫົວໜ້າພະ ແນກວິທະຍາສາດ ແລະ ເຕັກໂນໂລຊີ ແຂວງ

ເຊກອງ ພ້ອມດ້ວຍຄະນະພະແນກ, ຫົວໜ້າຫ້ອງການ,​ ຫົວໜ້າຂະແໜງ ແລະ ພະນັກງານທັງໝົດພາຍໃນ ພະແນກ ແລະ ຫ້ອງການວິທະຍາສາດ ແລະ ເຕັກໂນໂລຊີ ເມືອງລະມາມ ໄດ້ຂໍ່ານັບຮັບຕ້ອນ ທ່ານ ບັນດິດ ສຈ. ບໍ່ວຽງຄຳ ວົງດາລາກຳມະການສູນກາງພັກ, ເລຂາຄະນະພັກກະຊວງ,ລັດຖະມົນຕີ ກະຊວງວິທະ ຍາສາດ ແລະ ເຕັກໂນໂລຊີ ພ້ອມດ້ວຍຄະນະ ທີ່ໄດ້ລົງມາເຄື່ອນໄຫວຢ້ຽມຢາມ ແລະ ເຮັດວຽກງານຢູ່ພະແນກ ວິທະຍາສາດ ແລະ ເຕັກໂນໂລຊີ ແຂວງເຊກອງ.

      ໃນໂອກາດລົງຢ້ຽມຢາມ ແລະ ເຮັດວຽກຢູ່ພະແນກວິທະຍາສາດ ແລະ ເຕັກໂນໂລຊີແຂວງເຊກອງ, ຕາງໜ້າໃຫ້ພະແນກໂດຍ ທ່ານ ສຸລະພົນ ໝື່ນວິເສດ, ເລຂາໜ່ວຍພັກ, ຫົວໜ້າພະແນກວິທະຍາສາດ ແລະ ເຕັກໂນໂລຊີແຂວງ ໄດ້ລາຍງານໂດຍຫຍໍ້ ກ່ຽວກັບສະພາບການເຄື່ອນໄຫວວຽກງານໃນໄລຍະ 1 ປີຜ່ານມາ ແລະ ທິດທາງແຜນການໃນປີຕໍ່ໜ້າ ມາຍັງທ່ານລັດຖະມົນຕີ ກວຕ ແລະ ຄະນະຮັບຊາບ ເຊິ່ງທ່ານໄດ້ຍົກໃຫ້ເຫັນສະພາບຂໍ້ສະດວກ ແລະ ຂໍ້ຫຍຸ້ງຍາກ ໃນການເຄື່ອນໄຫວປະຕິບັດວຽກງານວິທະຍາສາດ, ວຽກງານເຕັກໂນໂລຊີຂໍ້ມູນຂ່າວສານ, ວຽກງານ ຊັບສິນທາງປັນຍາ, ມາດຕະຖານ ແລະ ການວັດແທກ ໃນນຶ່ງປີຜ່ານມາ ເຊິ່ງໄດ້ປະກອບສ່ວນເຮັດໃຫ້ເສດຖະກິດ-ສັງຄົມແຂວງເຊກອງໄດ້ຮັບ ການພັດທະນາ, ສັງຄົມມີຄວາມສະຫງົບ ແລະ ຍຸຕິທຳ ພ້ອມນັ້ນທ່ານຍັງຍົກໃຫ້ເຫັນບັນຫາທີ່ຍັງຄົງຄ້າງທີ່ຈະຕ້ອງໄດ້ຮັບການປັບປຸງແກ້ໄຂໃນຕໍ່ໜ້າຄື: ຄວາມຮູ້, ຄວາມສາມາດ ຂອງບຸກຄະລາກອນ, ເຄື່ອງມື, ວັດຖຸອຸປະກອນຮັບໃຊ້ວິຊາສະເພາະ ແລະ ງົບປະມານທີ່ຍັງຈຳກັດ, ພາຍຫລັງໄດ້ຮັບຟັງການລາຍງານ ບັນດາທ່ານຫົວໜ້າ ຫ້ອງການ, ກົມ, ສະຖາບັນກະຊວງວິທະຍາສາດ ແລະ ເຕັກໂນໂລຊີ ກໍ່ໄດ້ປະກອບຄໍາຄິດເຫັນຢ່າງກົງໄປກົງມາກ່ຽວກັບການຈັດຕັ້ງປະຕິບັດພາລະບົດບາດ, ສິດ ແລະ ໜ້າທີ່ຂອງພະແນກພ້ອມທັງມີທິດແກ້ໄຂຕໍ່ບັນຫາທີ່ຍັງຄົງຄ້າງໃນຕໍ່ໜ້າ.

      ໂອກາດໂອ້ລົມຕໍ່ກອງປະຊຸມຄັ້ງນີ້ ທ່ານ ລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານຂອງ ພະແນກທີ່ຍາດມາໄດ້ ແລະ ຊີ້ນຳໃຫ້ພະແນກເອົາໃຈໃສ່ບຸກທະລຸທາງດ້ານບຸກຄະລາກອນ ໂດຍມີແຜນການກໍ່ສ້າງຍົກລະດັບພະນັກງານລັດຖະກອນໃນແຕ່ລະ ໄລຍະໃຫ້ລະອຽດຈະແຈ້ງ ເພື່ອເຮັດໃຫ້ພະນັກ ງານມີຄວາມເຂັ້ມແຂງທັງດ້ານການເມືອງແນວຄິດ ແລະ ວຽກງານວິຊາສະເພາະປະກອບສ່ວນເຂົ້າໃນ ການພັດທະນາເສດຖະກິດ-ສັງຄົມຂອງແຂວງໃຫ້ມີຄວາມເຂັ້ມແຂງ, ປັບປຸງແບບແຜນວິທີການເຮັດວຽກ ແລະ ບູລະນະສ້ອມແປງສະຖານທີ່ເຮັດວຽກໃຫ້ ຢູ່ໃນສພາບທີ່ດີ ສາມາດຮອງຮັບການປະຕິບັດວຽກງານໃຫ້ທັນກັບສະພາບການໃນແຕ່ ລະໄລຍະ, ກຳແໜ້ນບັນດາມະຕິ, ຄຳສັ່ງ ແລະ ແຜນພັດທະນາເສດ ຖະກິດ-ສັງຄົມຂອງແຂວງໃຫ້ເລິກເຊິ່ງ ເພື່ອຜັນຂະຫຍາຍເອົາວຽກງານວິທະຍາສາດ ແລະ ເຕັກໂນໂລຊີ ສອດຫ້ອຍເຂົ້າໃນທຸກຂະແໜງການ ກໍ່ຄືແຜນການ ພັດທະນາເສດຖະກິດ-ສັງຄົມ ນອກນັ້ນ, ທ່ານຍັງໄດ້ຊີ້ນໍາພະແນກ ໃຫ້ປະສານສົມທົບກັບຫ້ອງການກະຊວງ, ບັນດາກົມ, ສະຖາບັນພາຍໃນກະຊວງ ແລະ ຂະແໜງການ ອື່ນໆ ເພື່ອປຶກສາຫາລືການຈັດຕັ້ງປະຕິບັດວຽກງານ, ເອົາໃຈໃສ່ກະຕຸກຊຸກຍູ້ປະຊາຊົນ, ບັນດາຫົວໜ່ວຍການຜະລິດ, ຜູ້ປະກອບ ການທຸລະກິດໃຫ້ນໍາໃຊ້ວິທະຍາສາດ ແລະ ເຕັກໂນໂລຊີ ເຂົ້າໃນການຜະລິດ, ການຄ້າ, ການບໍລິການ ເພື່ອສ້າງໃຫ້ເປັນຜະລິດຕະພັນທີ່ສາມາດສ້າງຮັບໃຫ້ນັບມື້ນັບ ຫຼາຍຂຶ້ນ.

      ໃນໂອກາດຢ້ຽມຢາມ ແລະ ເຮັດວຽກຄັ້ງນີ້ ຍັງໄດ້ມອບອຸປະກອນຈໍານວນຫນື່ງເຊັ່ນ: ຄອມພິວເຕີຕັ້ງໂຕະ ຈໍານວນ 1 ຊຸດ ແລະ ຄອມພິວເຕີແລັບທອບ 1 ໜ່ວຍ ໃຫ້ແກ່ພະແນກວິທະຍາສາດ ແລະ ເຕັກໂນໂລຊີ ແຂວງ ເຊກອງ ເພື່ອນໍາໃຊ້ເຂົ້າໃນການຈັດຕັ້ງປະຕິບັດວຽກງານຕໍ່ໄປ.

ຮູບພາບ ແລະ ບົດຂ່າວ: ບຸດດີ ພົມພິທັກ

00047 00049 00050

 

ສ້າງຂື້ນໃນ ປີ 2015. ສະຫງວນລິຂະສິດໂດຍ: ພະແນກວິທະຍາສາດ ແລະ ເຕັກໂລຊີແຂວງເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ:(+856)38211646, ແຟກ:(+856)38211646
Powered by Joomla 1.7 Templates