ຍີນ​ດີ​ຕ້ອນ​ຮັບ​ເຂົ້າ​ສູ່​ເວັບ​ໄຊ​ພະ​ແນກ ວິ​ທະ​ຍາ​ສາດ ແລະ ເຕັກ​ໂນ​ໂລ​ຊີ ແຂວງ ເຊກອງ

ຫົວຫນ້າພະແນກ ວຕ ເຂົ້າຮ່ວມກອງປະຊຸມ ສ້າງຕັ້ງສະມາຄົມ “ ຊາ ” ປາກຊ່ອງ

1236ໃນຄັ້ງວັນທີ 31 ຕຸລາ - 1 ພະຈິກ 2019 ຜ່ານມານີ້, ຈັດຂື້ນທີ່ ໂຮງແຮມພູເທວະດາ ເມືອງປາກຊ່ອງ ແຂວງຈໍາປາສັກ ໄດ້ຈັດກອງປະຊຸມກະກຽມສ້າງຕັ້ງ ສະມາຄົມຜະລິດ“ຊາ”ປາກຊ່ອງ ໂດຍໃຫ້ກຽດການ ເປັນປະ

ທານຂອງທ່ານປອ ນ ຂັນລາສີ ແກ້ວບຸນພັນ ຫົວໜ້າກົມຊັບສິນທາງປັນຍາ,ກະຊວງວິທະຍາສາດ ແລະ ເຕັກໂນ ໂລຊີ,ມີຫົວໜ້າພະແນກ,ຮອງຫົວຫນ້າພະແນກ ແລະ ຂະແໜງການທີ່ກ່ຽວຂ້ອງພ້ອມດ້ວຍຜູ້ປະກອບ ແລະ ກຸ່ມຜະລິດຊາອ້ອມຂ້າງເມືອງເຂົ້າຮ່ວມ 45 ກ່ວາຄົນ,ຍິງ 7 ຄົນ.

   ຈຸດປະສົງແມ່ນເພື່ອປຶກສາຫາລືກັນ ລະຫວ່າງພາກລັດ,ຜູ້ປະກອບການ ແລະ ກຸ່ມຜູ້ຜະລິດ“ ຊາ ”ໃນການກະ ກຽມສ້າງຕັ້ງເປັນສະມາຄົມ“ຊາ” ປາກຊ່ອງ ຂອງພູພຽງບໍລະເວນ ໂດຍແນໃສ່ຄວາມຖືກຕ້ອງ ສອດຄ່ອງກັບລະ ບຽບກົດໝາຍຂອງ ສປປລາວ, ເຊີ່ງມີກຸ່ມຜູ້ຜະລິດຊາ ຫລາຍກວ່າໝູ່ແມ່ນບ້ານ ຫລັກ33, ຫລັກ36, ບ້ານຫລັກ 40,42 ແລະ 45 ສາມາດຜະລິດ“ ຊາ ” ໄດ້ປະມານ 10 ໂຕນຕໍ່ປີ ແລະ ເປັນຜະລິດຕະພັນ ຄຸນນະພາບດີ ທີ່ມີຄວາມນິຍົມ, ຊື່ສຽງໂດ່ງດັງ ແລະ ເປັນຄວາມຕ້ອງການ ຂອງຕະຫລາດຢູໂຮບເຊັ່ນ: ຝຣັ່ງ, ຍີ່ປຸ່ນ, ອັງກິດ,ຈີນ ແລະ ຮ່ອງກົງ.ສະນັ້ນ, ການສ້າງຕັ້ງສະມາຄົມຈິ່ງມີຄວາມຈໍາເປັນຫລາຍໃນການປົກປ້ອງຜະລິດຕະພັນສິນຄ້າ ໃຫ້ມີຄວາມເປັນລະ ບຽບຮຽບຮ້ອຍ ຖືກຕ້ອງ ສອດຄ່ອງກັັບລະບຽບກົດໝາຍ ສາມາດທ່ວງທັນກັບພາກພື້ນ ແລະ ສາກົນ,ເຮັດໃຫ້ຜະລິຕະພັນມີຄຸນນະພາບ,ສະອາດ,ປອດສານເຄມີ ແລະ ກໍ່ຕ້ອງໄດ້ຜ່ານຂະບວນການຈົດທະບຽນຂື້ນລິຂະສິດ,ເຄື່ອງ ໝາຍການຄ້າ ແລະ ຖິ່ນກໍາເນີດຂອງພັນພືດ ນໍາກົມຊັບສິນທາງປັນຍາ, ກະຊວງວິທະຍາສາດ ແລະ ເຕັກໂນໂລຊີ ຈື່ງສາມາດເຮັດໃຫ້ສາກົນຍອມຮັບ ໃນຜະລິດຕະພັນ ສປປ ລາວເຮົາ, ເຊິ່ງເອກະສານທີ່ກ່ຽວຂ້ອງໃນການກະກຽມ ສ້າງຕັ້ງສະມາຄົມປະກອບມີ, ຂັ້ນຕອນການອະນຸມັດ ແລະ ປະກອບສໍານວນເອກະສານຂໍສ້າງຕັ້ງສະມາຄົມ ນໍາກະຊວງພາຍໃນ,ຮ່າງກົດລະບຽບພາຍໃນສະມາຄົມ ແລະຂັ້ນຕອນການຈົດທະບຽນຖິ່ນກໍາເນີດ,ຈົດທະບຽນເຄື່ອງໝາຍການຄ້າ ນໍາກົມຊັບສິນທາງປັນຍາ,ກະຊວງວິທະຍາສາດ ແລະ ເຕັກໂນໂລຊີ,ໃນກອງປະຊຸມຍັງໄດ້ມີ ການແລກປ່ຽນຄໍາຄິດຄໍາເຫັນປະກອບສໍານວນເອກະສານ ແລະ ຮ່າງກົດລະບຽບຂອງສະມາຄົມດ້ວຍບັນຍາກາດທີ່ຟົດຟື້ນ ແລະ ເປັນກັນເອງ.

        ໂອກາດດຽວກັນທ່ານ ປອ ນ ຂັນລາສີ ແກ້ວບຸນພັນ ຫົວໜ້າກົມຊັບສິນທາງປັນຍາ,ກວຕ ຍັັງໄດ້ກ່າວໂອ້ລົມຕໍ່ກອງປະຊຸມ ໂດຍສະເພາະກຸ່ມຜູ້ຜະລິດ, ຜູ້ປະກອບການ ພາຍໃນເມືອງໃຫ້ນໍາໃຊ້ວັດຖຸດິບ ອັນເປັນພື້ນຖານຈາກທໍາມະຊາດ ປະສາຈາກສານປົນເປື້ອນເຄມີທັງຊີ້ນ ເລີ່ມຕັ້ງແຕ່ເນື້ອທີ່, ແນວພັນ, ວິທີການປູກ, ການເກັບກ່ຽວ, ການບັນຈຸຫີບຫໍ່,ການຂົນສົ່ງ ແລະ ຂະບວນການນໍາໄປໃຊ້ ຫລື ການແປຮູບ ຈົນສຸດທ້າຍຄືຜະລິດຕະພັນທີ່ສໍາເລັດອອກມາໃຫ້ມີຄຸນນະພາບ,ສະອາດ,ປອດໄພຕໍ່ຜູ້ບໍລິໂພກອີກດ້ວຍ,ນອກນັ້ນ,ທ່ານຍັງໄດ້ຊຸກຍູ້ ໃຫ້ຫັນມາປົກປ້ອງຊັບສິນທາງປັນຍາຂອງຕົນ ຈົດທະບຽນເຄື່ອງໝາຍການຄ້າ, ຈົດທະບຽນຖິ່ນກຳເນີດ, ຊົມໃຊ້ຜະລິດຕະພັນ ສິນຄ້າທີ່ໄດ້ຮັບການກວດສອບຢັ້ງຢືນມາດຕະຖານ ຂອງ ສປປ ລາວ ອີກດ້ວຍ

ບົດຂ່າວ ແລະ ຮູບພາບ: ຄ່ຽມແກ້ວ ແກ້ວດວງມະນີ

1237 1238 1239 1240 1241 1242 1243 1244 1245

ສ້າງຂື້ນໃນ ປີ 2015. ສະຫງວນລິຂະສິດໂດຍ: ພະແນກວິທະຍາສາດ ແລະ ເຕັກໂລຊີແຂວງເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ:(+856)38211646, ແຟກ:(+856)38211646
Powered by Joomla 1.7 Templates