ຍີນ​ດີ​ຕ້ອນ​ຮັບ​ເຂົ້າ​ສູ່​ເວັບ​ໄຊ​ພະ​ແນກ ວິ​ທະ​ຍາ​ສາດ ແລະ ເຕັກ​ໂນ​ໂລ​ຊີ ແຂວງ ເຊກອງ

ພິທີເປີດນຳໃຊ້ເວັບໄຊ ເມືອງກະລືມ

1269ໃນ​ຕອນບ່າຍ​ວັນ​ທີ 17 ທັນວາ 2019 ຢູ່​ທີ່​ສະ​ໂມ​ສອນ​ຂອງເມືອງກະ​ລືມ ໄດ້​ມີພິທີ  ເປິດການນໍາໃຊ້ ເວັບໄຊຂອງ​ເມືອງ​ຢ່າງ​ເປັນ​ທາງ​ການ ລະ​ຫວ່າງ ຫ້ອງວ່າ​ການ​ເມືອງ​ກະ​ລືມກັບພະແນກວິທະຍາສາດ ແລະ ເຕັກໂນໂລຊີແຂວງ

ພາຍ​ໃຕ້ການ​ເປັນ​ປະ​ທານ​ຮ່ວມ​ຂອງ ທ່ານ ອໍບົວລາ ອ່ອນມະໄລວົງ ວ່າການເຈົ້າເມືອງ-ເມືອງກະລືມ, ທ່ານ ສຸລິພົນ ໝື່ນວິເສດ ຫົວໜ້າພະແນກວິທະຍາສາດ ແລະ ເຕັກໂນໂລຊີແຂວງ ມີຫົວໜ້າຫ້ອງການ, ຮອງຫ້ອງການ, ວິຊາການ ແລະ ພະ​ນັກ​ງານ​ລັດ​ຖະ​ກອນ​ອ້ອມ​ຂ້າງ​ເມືອງ​ເຂົ້າຮ່ວມເປັນ​ສັກ​ຂີ​ພິ​ຍານ​ນຳ​ກັນ​ທັງ​ມົດ​ທັງ​ມົດ 38 ທ່ານ ຍິງ 7 ທ່ານ.

       ໃນພິທີດັ່ງກ່າວ ທ່ານ ຄຳສ່ຽວ ເດດສະຫມານ ຮອງຫົວໜ້າຫ້ອງການວິທະຍາສາດ ແລະ ເຕັກໂນໂລຊີເມືອງ ໄດ້ລາຍງານນຳສະເໜີກ່ຽວກັບປະຫວັດຄວາມເປັນມາ, ຂະບວນການ ແລະ ຂັ້ນຕອນກ່ອນ​ຈະ​ໄດ້​ຮັບ​ທືນ​ໃນ​ການ​ການ​ຈັດ​ຕັ້ງ​ປະ​ຕິ​ບັດ​ຝືກ​ອົບ​ຮົມ ແລະ ສ້າງ​ເວັບ​ໄຊ​ຂອງ​ເມືອງ​ຂື້ນ ໃຫ້​ທີ່​ຜູ້​ແທນກອງ​ປະ​ຊຸມ​ໄດ້​ຮັບ​ຊາບ ນອກ​ຈາກ​ນີ້ ທ່ານ ຄ່ຽມ​ແກ້ວ ແກ້ວດວງ​ມະ​ນີ ຮອງ​ຫົວ​ໜ້​າ​ຂະ​ແໜງ​ເຕັກ​ໂນ​ໂລ​ຊີ​ຂໍ້​ມູນ​ຂ່າວ​ສານ ພະ​ແນກ ວ​ຕ ແຂວງ ​ກໍ​ໄດ້ຂື້ນນຳສະເໜີ ຂະບວນການ, ຂັ້ນຕອນໃນການສ້າງ​ເວັບ​ໄຊ ລາຍລະອຽດກ່ຽວກັບຮູບຮ່າງ, ລັກສະນະ ແລະ ໜ້າຕາເວັບໄຊຂອງເມືອງໃຫ້​ທຸກ​ຄົນ​ໄດ້​ເບີ່ງ ເຂົ້າຊົມ, ​ນອກນັ້ນຜູ້ແທນກອງປະຊຸມຕ່າງໜ້າຫ້ອງການ​ອ້ອມ​ຂ້າງ​ເມືອງ,  ກໍ່ໄດ້ສະແດງຄວາມຄິດຄວາມເຫັນ ແລກປ່ຽນຕໍ່​ກັບໜ້າ​ຕາ​ເວັບ​ໄຊ​ທີ່​ໄດ້​ສ້າງ​ຂື້ນຢ່າງ​ກົງ​ໄປກົງມາດ້ວຍບັນຍາກາດທີ່ຟົດຟື້ນ ເພື່ອເຮັດໃຫ້ຮູບຮ່າງ ແລະ ລັກສະນະເວັບໄຊ ມີຄວາມ​ສົມ​ບູນ, ສ່ວຍງາມ ແລະ ມີຄວາມທັນສະໄໝ ສາມາດບໍລິການ, ສະໜອງຂໍ້ມູນຂ່າວສານທີ່ວ່ອງໄວ ແລະ ມີຄວາມໜ້າສົນໃຈຂອງສັງຄົມ.
       ໃນ​ຕອນ​ທ້າຍທ່ານ ອໍບົວລາ ອ່ອນມະໄລວົງ ແລະ ທ່ານ ສຸລິພົນ ໝື່ນວິເສດ ປະ​ທານກອງ​ປະ​ຊຸມ ກໍໄດ້ສະແດງຄວາມຍ້ອງຍໍຊົມເຊີຍຕໍ່ຄະນະພັກ-ຄະນະນໍາ, ຂະແໜງການທີ່ກ່ຽວຂ້ອງຈາກເມືອງ ແລະ ແຂວງ ທີ່ໄດ້ພ້ອມກັນເອົາໃຈໃສ່ສ້າງ ແລະ ພັດທະນາເວັບໄຊຂອງເມືອງກະ​ລືມ ຈົນສຳເລັດ ເປັນຂອງຕົນເອງເພື່ອເຜີຍແຜ່ ຂໍ້ມູນຂ່າວສານກ່ຽວກັບເມືອງ ອອກສູ່ສາທາລະນະຊົນໃຫ້ກວ້າງຂວາງ ແລະ ເປັນທີ່ຮັບຮູ້ໂດຍທົ່ວໄປຂອງສັງຄົມ ເປັນຕົ້ນ ແມ່ນການເຄື່ອນໄຫວຈັດຕັ້ງປະຕິບັດ ວຽກງານວິຊາສະເພາະ​, ບັນດາລະບຽບ, ກົດໝາຍ ແລະ ຂໍ້ມູນຂ່າວສານ​ການ​ເຄື່ອນ​ໄຫວ​ວຽກ​ງານ​ຕ່າງໆ​ຂອງ​ເມືອງ  ພ້ອມນີ້​ທ່ານຍັງໄດ້ຮຽກຮ້ອງໃຫ້ຄະ​ນະ​ຮັບ​ຜິດ​ຊອບພ້ອມ​ກັນ​ເອົາ​ໃຈ​ໃສ່ອັບເດດ ຂ່າວສານຢ່າງເປັນປົກກະຕິ, ໂຄສະນາເຜີຍແຜ່ທ່າແຮງຂອງເມືອງໃຫ້ຫຼາກຫຼາຍສີສັນ ເພື່ອດຶງດູດຜູ້ເບິ່ງຜູ້ຊົມ ແລະ ສ້າງແຮງຈູງໃຈ ດຶງດູດນັກລົງທືນ​ໃຫ້ເຂົ້າມາລົງທືນພາຍໃນເມືອງກະລືມໃຫ້ຫຼາຍຂື້ນກວ່າເກົ່າ ແລະ ເພື່ອໃຫ້ຜູ້ເຂົ້າເບິ່ງເຂົ້າຊົມ ໄດ້ບໍລິໂພກຂ່າວສານທີ່ຫລາກຫລາຍ,​ຖືກ​ຕ້ອງ​ສອດ​ຄ່ອງ​ກັບ​ຄວາມ​ເປັນ​ຈິງ ແລະ ມີປະໂຫຍດ.

ບົດ​ຂ່າວ ແລະ ຮູບ​ພາບ: ບຸດ​ດີ ພົມພິ​ທັກ

1270 1271 1272 1273 1274 1275

ສ້າງຂື້ນໃນ ປີ 2015. ສະຫງວນລິຂະສິດໂດຍ: ພະແນກວິທະຍາສາດ ແລະ ເຕັກໂລຊີແຂວງເຊກອງ, ຕັ້ງຢູ່ບ້ານ ໃໝ່ຫົວເມືອງ, ເມືອງ ລະມາມ, ແຂວງ ເຊກອງ, ໂທຣ:(+856)38211646, ແຟກ:(+856)38211646
Powered by Joomla 1.7 Templates